6 načina da se uljepšate pomoću soli

So ne treba u velikim količinama unositi u organizam, ali zato vam za njegu kože itekako može pomoći.

Za liječenje akni

Četvrtinu kašičice soli pomiješajte sa šoljom tople vode. U ovu mješavinu umočite komad vate i nanesite na problematični dio kože, gdje se pojavljuju akne.So će umanjiti crvenilo i eventualni otok.

Seksi talasi u kosi

Vjerovatno ste primijetili da od slane vode kosa postaje talasasta. Ako želite takav izgled, znate šta vam je činiti – u posudu pomiješajte morsku so i vodu i sipajte na kosu koju ste prethodno uobičajeno oprali. Ipak, ne bi trebalo da to baš često radite jer će so isušiti kosu, piše Mondo.

Detoksikacija

So pomaže u izbacivanju toksina nagomilanih ispod površinskih slojeva kože i na taj način je podmlađuju. Dovoljno je da s vremena na vrijeme napunite kadu vodom, sipate malo kupke i dodate šoljicu morske soli u toplu kupku.

Piling za lice

Pomiješajte morsku so sa uljem ili tonikom za lice i nježnim, kružnim pokretima izmasirajte kožu lica. Nakon toga isperite lice i očistite na način na koji to inače radite. Ovaj piling pomoći će vam da uklonite mrtve ćelije i tako očistite kožu.

Piling za tijelo

Piling za tijelo možete napraviti tako što ćete pomiješati maslinovo ulje sa malo morske soli, a po želji možete da dodate i nekoliko kapi aromatičnih ulja. Ova mješavina može da pomogne i kod ispucalih usana – lagano izmasirajte usne i tako uklonite mrtve ćelije, a zatim isperite i nanesite svom omiljeni balzam.

U borbi protiv podočnjaka

Pomiješajte morsku so sa toplom vodom i natopite komad vate ovom mješavinom. Držite natopljenu vatu nekoliko minuta na očima kako biste umanjili podočnjake.

Komentariši

Vaša email adresa neće biti objavljivana. Neophodna polja su označena sa *