Vino zamjena za masnoću u receptima

Osim što jelima daje posebnu aromu i ukus, vino može da zamijeni i masnoće u receptima.

Ako izbacite iz recepta masnoću, zamjenite je vinom koje će vratiti izgubljenu sočnost jelu, piše B92.

Na primjer, ako pržite povrće u tavi, umjesto pola količine ulja ili putera dodajte malo vina. U marinadama s oko pola šoljice ulja četvrtinu zamjenite vinom.

Alkohol i kiseline u marinadama omekšavaju meso, ali ga ujedno i aromatizuju, a bilo da ga dinstate, kuvate ili pečete, marinirano meso biće najsočnije.

Kod ribljih i bujona od živine upotrebljava se bijelo vino, a kod bujona od divljači i tamnih mesa crveno vino.

Osim toga, bijelo ili desertno vino sjajan je dodatak i smjesi za patišpanj koji postaje sočan i vazdušast. Vruć patišpanj možete preliti decilitrom crvenog vina, pokriti providnom folijom i ostaviti da se ohladi. Premažite patišpanj čokoladnom glazurom koja se odlično slaže s vinom, a tako možete da spremite i mafine.

Uz rižu i jela od ribe

Lagani sovinjoni hladnijih krajeva slagaće se dobro sa gotovo svakim rižotom i laganim umacima za piletinu, a ona poput malvazije biće dobra u jelima od ribe koja traže suvo bijelo vino.

Aromatična vina

Suvi rizlinzi dobar su dodatak začinjenijim jelima. Poslužiće i burgundac sivi, prvenstveno onaj koji je maceriran nekoliko sati, što se prepoznaje po blago ružičastoj boji.

Komentariši

Vaša email adresa neće biti objavljivana. Neophodna polja su označena sa *